شاشات الـ LED

شاشات الـ LED


شاشات ال LED ليست نوعاً جديداً من الشاشات.. انما هي شاشه LCD تستخدم اضاءه مختلفه وهي
light-emitting diodes (LEDs) ..بمعنى الدايود الباعث للضوء ..بدلاً عن مصابيح الفلورسنت المستخدمه في الـ LCD

*الدايود هو عباره عن مُوصل صغيرجداً للكهرباء.

يوجد نوعان من شاشات الـ LED
النوع الأول:
المسمى (( full array )) او (( full LED backlit)) وهو النوع الأغلى والأفضل
وهو عباره عن وجود الإضاءه كامله خلف الشاشه.
والنوع الثاني :
"edge-lit" LED-based LCDs ..وفيها تكون الإضاءه على الأطراف..لذلك هي أرخص وأقل اداء..
حيث لوحظ ان اطراف الصوره السوداء قد تبدو رماديه بعض الشي والبيضاء قد تبدو اكثر اشراق من اللون الطبيعي..
وهذي صوره توضح الفرق بين النوعين اضاءة الأطراف والإضاءه الخلفيه..


النوعين ممكن يكون فيها ميزه اسمها "local dimming."
بهذي التكنولوجيا..ممكن اعتام او اضاءة بعض الأجزاء من الإضاءه الخلفيه بشكل مستقل..
طيّب وش فايدة هالشي..؟؟

لما يكون فيه صوره جزء منها اسود وجزء منها ابيض .. هالتقنيه هذي ممكن انها تعتم الأجزاء اللي باللون الأسود..وتزيد اضاءة الأجزاء اللي باللون الأبيض.. هالشي يعطي سواد اكثر وواقعيه اكبر للصوره..
الصوره هذي لتوضيح طريقة عمل الاعتام الجزئي او الـ local dimming مقارنه بالطريقه العاديه اللي هي المصفوفه الكامله ال full array or global dimming



حالياً.. بعض الشركات اعتمدت طريقه افضل .. هي نفس التكنلوجيا باختلاف شي بسيط ولكن مهم
وهو استبدال الإضاءه او المصابيح البيضاء .. بمصابيح ملونه..وذلك لضمان اداء افضل من حيث الألوان..